कवितेतला पाऊस आला ग अंगणी दारी गुलमोहराचा बहर करी वळीवाची बोलवणी || कवितेतला पाऊस आला ग अंगणी घन गरजत गरजत सये माहेराला आषाढ पागोळी || कवितेतला पाऊस आला ग अंगणी रानफुलांचा मंद गंध अन पाखरांची पाऊस गाणी || कवितेतला पाऊस आला माझ्या अंगणी रिमझिम रिमझिम ऋतुस्नात झाली ही अवनी || कवितेतला पाऊस आला ग अंगणी बीज अंकुरत पोटी गर्भार धरित्री माय मोठी || कवितेतला पाऊस आला ग अंगणी सौभाग्यचुडा ल्याली नवी नवती हिरवे गोंदण लवलवति पाती || कवितेतला पाऊस आला ग अंगणी रंगारंगाने ओटभरण सयासूनांना ग बोलावणं|| कवितेतला पाऊस आला ग अंगणी ऊन केशराचे सोनपिवळे आणिक सोबत श्रावणसरी || कवितेतला पाऊस आला ग अंगणी वारुळाची पंचीम झिम्मा फुगडी अन दंग गाणी || कवितेतला पाऊस कधी धुंद कधी बेबंद धावे वेडे मन जसे तोडूनिया पाशबंध ||
Discover more from अनवट वाटा
Subscribe to get the latest posts sent to your email.
यावर आपले मत नोंदवा